Film haqida qisqacha: Oddiy ayol — Shvetaning hayoti butunlay o‘zgarib ketadi: kunning o‘rtasida yollangan odamlar uning qizini o‘g‘irlab ketishadi, Shvetaning o‘zini esa shafqatsizlarcha do‘pposlashadi. Qizining o‘g‘irlanishidan 2 oy o‘tib komadan chiqqan Shveta darhol qidiruv ishlariga kirishadi. U o‘sha kun bo‘lgan voqealarni batafsil eslab, hech bo‘lmasa qizi hali tirik degan umid bilan biror iz topishga harakat qiladi. Ammo u haqiqatga yetishish yo‘lidagi barcha urinishlari samarasiz ketayotganini, buzilgan adliya tizimiga yolg‘iz qarshi chiqa olmasligini anglaydi. Shunda u talabalik yillaridagi ilk sevgilisi Rishidan yordam so‘raydi. Umidsiz holga tushgan Shvetaga yordam berishga rozi bo‘lgan Rishi mustaqil tergov boshlaydi. Lekin bu tergov uni bevosita Shvetaning o‘ziga olib keladi...